olympiccollege.am

Արթուր Պետրոսյանը նվաճեց արծաթե մեդալ

22 Օգս 2026

ԵՕՀՊՄ քոլեջի սան Արթուր Պետրոսյանը Կոսովոյի մայրաքաղաք Պրիշտինայում ընթացող մինչև 15 տարեկանների Եվրոպայի առաջնությունում նվաճեց արծաթե մեդալ։

Մեր մարզիկն իր քաշային կարգում հաջորդաբար պոկեց 102, 105 և 108 կգ՝ արժանանալով արծաթե մեդալի։ Հրումում նա գլխավերևում պահեց 127 կգ ու 133 կգ։ Այս վարժությունում նա կրկին երկրորդն էր։ Երկամարտի 241 կգ արդյունքով Արթուր Պետրոսյանը դարձավ Եվրոպայի առաջնության փոխչեմպիոն։
Շնորհավորում ենք մեր մարզիկին, մարզիչ՝ Երվանդ Կիրակոսյանին, մաղթում նորանոր հաղթանակներ։